活動花絮

《善行與香火 • 廣福祠的一百七十年》新書推介會

《善行與香火 • 廣福祠的一百七十年》新書推介會於2026 年7月16日舉行！

國際濟公文化協會聯同東華三院，今日喺香港書展舉行新書推介會，由國際濟公文化協會
理事長暨美燕女士及東華三院高級經理（廟宇及文化服務）梁中杰先生主講，同大家細述
廣福祠與濟公嘅百年淵源。

廣福祠（又名廣福義祠、百姓廟、濟公廟）約於1856年落成，祠內正殿供奉地藏王菩薩，
多年來香火鼎盛。约90年代祠內嘅濟公神像及文物，原安奉於灣仔迪龍里濟公廟——香港最
早出現嘅濟公廟。1980年代，迪龍里濟公廟因城市發展被拆卸，神像及文物其後遷移至廣
福祠安奉，從此廣福祠亦被稱為濟公廟。

廣福祠更係東華三院嘅發源地——1869年廣福祠嘅衛生問題引起政府關注，促成咗東華醫院
嘅創立，成為香港華人慈善醫療服務嘅重要起點。

今年1月30日，廣福祠正式獲政府刊憲列為法定古蹟。新書《善行與香火 • 廣福祠的一百
七十年》收錄大量珍貴歷史文獻及精美圖片，訪問咗鄭寶鴻先生、丁新豹教授及游子安教
授幾位本地史專家，全面記錄呢座橫跨一百七十年嘅古廟發展與演變。

感謝各位嘅參與支持，一齊見證濟公文化與香港歷史嘅傳承！






#國際濟公文化協會 #林東 #東井圓佛會 #東華三院 #善行與香火 #廣福祠的一百七十年 #廣福祠 #廣福義祠 #百姓廟 #濟公廟 
#迪龍里濟公廟 #法定古蹟 #濟公文化 #濟公 #濟公信俗